火鍋夜在 chen lu 家

去到人地屋企，我家小亮就當正自己屋企一樣，好有歸屬感。


真係失禮晒…… ( =_= )"

lining 在準備火鍋的材料。

仲有其他材料，不過冇影相。

由於火鍋湯底太辣 ( 對我黎講 )，我食到一半已經肚痛…… ( =_= )

屙左兩次，朵菊花好熱，完全坐唔到。 ( >.< )

食左雪糕之後神奇地個肚唔痛，仲能夠坐低，原來奶類野係可以去辣。

sun yi 真係唔好意思喇，食左妳留低 ge 雪糕，下次妳返美國我請妳食真正好味 ge 雪糕啦。 ( ^.^ )

我地傾得太開心，特別係主題「人民公廁」，笑到癲左，搞到樓下 call 食蕉黎查我地，深夜 11 點 4 隻蕉，真係嚇親我地 3 朵金花 + 一隻包。

chen lu 住 ge 社區太高級，小小嘈都 call 蕉哥，反而我地住 ge 社區太隨和，上下左右都住 yo yo 人，我地離開 chen lu 家之後，返到屋企，依然聽到隔離 yo yo 人打緊鼓，問你屎未。

題外話，頭先落樓下洗衫，見到加左價，由 us$ 1.5 加至 us$ 2.5！咁我每次都洗兩機，咪要 us$ 5？！ ( 0.o ) 我條氣好唔順……然後我發現……乾衫變左唔駛錢……即係我平時諗住慳 d 洗兩機乾一機，而家迫住唔乾唔得，我唔可以蝕俾佢架嘛！ ( =_= )