2010年4月29日 星期四

免費戲票

有時候我在想,到底有多少人還在追看我的 blog……?-_-"

講下尋晚,jang 原本打算請我地去 downtown 食 pizza,點知佢個韓國 friend 突然有事,我同小亮諗住佢一定黎唔到,而小亮想食 pizza 既心不變,於是乎我地上網 order pizza……就係 order 左既一刻……jang 打電話黎話 ok 冇問題喇……咁點算好呢?=_=

crazy eric 既本色出現喇……=_=

個衰佬提議唔食 order 左既 pizza,我地 3 丁友去 downtown 食……=_= 你話係咪浪費野先?

就係咁,去左 downtown 食……jang 係韓國人,鍾意食辣,而我地 order 左一半辣一半唔辣,唔辣個一半……已經辣死左我……=_=

我唯有只食 pizza 邊 ( 即係麵包既部份 ) 小亮食餡。=_=...

然後我地請 jang 食雪糕。


講下頭先,我一個人去左距離屋企半小時既戲院攞免費飛,間戲院新開,今日係最後一日有免費飛派,所以我去左攞飛。

望住 gps 一路揸車,我突然覺得好爽!原來我都可以一個人完成一個任務!=_=...

排隊攞飛既時候,我好緊張,突然有 d 口窒,好彩我 d 英文都可以應付……^.^"

不過呢……戲飛雖然係免費,但係我捐左 us$ 4 做慈善用途,咁算唔算免費呢?=_=

2010年4月24日 星期六

再見D.C.

在D.C.,遊歷過著名建築;感受過繁忙的街道;品嚐過唐人街的食物。

現在,我回到Greenville了。

















這天,我生病了……

2010年4月18日 星期日

初到貴境之 DC

在 2010 年 4 月 17 日,她隨丈夫到 DC 開會。
除了她車子的 CD 機老是出問題,這 8 小時的車程是順利的。

丈夫與同事沒有選擇住酒店,他們租了一個位於黑人區的房子,房子雖然位置偏遠,社區的犯罪率也挺高,可是價錢仍然比酒店便宜。


她每次出遠門肚子也會出毛病,這一次也不例外,在 DC 的市中心非常繁忙,車子錯綜複雜的前行,想找一個泊車位不是一件容易的事。


丈夫不想花 us$ 7 - 10 泊車,然後只為了上一個廁所。


她只好死忍……直到……目的地。=_=


終於到達門前,離開車子,一陣猛烈的冷風飄過,冷得她打顫。=_=


房子好大,她嘩然,然後跟隨丈夫的一位同事到處參觀。


她與丈夫霸佔整個地庫,裡面有獨立廚房、洗手間、洗衣機等等,她很滿意。


這一晚,她與他們烤牛排吃。


翌日,丈夫開會去,獨留她一個人在家。


雖然丈夫建議她出去市中心參觀,可惜她膽子小,面對新環境始終不敢獨自行動,她決定留在家寫寫書好了。


她這一天上上網,到後院拍拍照,被她發現好多頭野貓……=_=


更驚嚇的是……不知何時,有一隻類似蟋蟀的東西在她腳踝爬動…… o_O?


她嘗試打開大門讓牠自個兒「醒水」的跳走,可惜牠「磨爛席」,動也不動,她只好用拖鞋打死牠…… ^^"





是時候寫作了……
【完】